Buraan:Degmada Buraan ee Gobolka sanaag ayaa waxaa si wanaagsan uga da ay Roobabkii dayrta Todobaadkan gudihiisa waxaana roobabakaasi ay ahayeen kuwo lugu diirsaday oo si wanaagsan uga day Dhamaan Dhinacyada iy darfaha Degmadaasi Buraan,kaas oo dhamaan Bulshada Reer Buraan aad ugu riyaaqeen iyadoo Dadka Roobka Hilaadiyaa ay sheegeen in Roobkaasi uu u sii gudbya dhanka Miyiga ah.

waxaa iminka fadhiya Meelaha Qaarood biyihii uu roobkaasi keenay Dhinaca Waqooyi ee Degmada Buraan gaar ahaan Halka lugu Magcaabo qaraajeele ayaa waxaa uu roobkaasi dhigay biyo Durdura oo si xawli ah uga soconayey Meelaha togaga ah.

Roobkan ayaa waxa uu ahaa Roob aan sidaasi u sii waynayn Hase ahaatee waxaa uu ahaa Mid si wanaagsan uqaboojiyey Dadka ku dhaqan Degmada Buraan iyo Nawaaxigeeda ,

Dhinaca kale Dadka Reer Guuraaga ah ayaa iyagu waxaa ay shegayaan Roobab fiican oo ay ku qaboobeen ku waas oo si wanaagsan uga da ay Baadiyaha iyo Meelaha ay Daaqsadaan xoolaha,

Degmada Buraan ee Gobolka Sanaag ayaa waxaa ay ka mid tahay Degmooyinka ugu Faca wayn Gobolka Sanaag waxaana ay Noqotaa xiliyada Roobabka Meel aad u qurux badan oo aad ku arki karaysid Buuro waawayn oo cagaaran iyo Weliba Dooga oo ka baxa Meelaha Beeraha ah taasi oo ay soo goostaan Dalaga beeraha ka baxa dadka ku Dhaqan Degmadaasi Buraan.

Isku soo duuboo Degmada Buraan ayaa waxay caan ku tahay Ceelasha Laagaga ah iyo Buuraha ku hareeraysan Magaalada,iyo waliba Isha Dur Durka ah ee ay Biyihu ka Burqanayaan Taas oo ah meel aad indhaha ugu Roon Marka ay da"aan Roobabku.

Maxamed Axmed Ciise

LaasqorayNet- Bosaaso