Badhan:- Wareegto cusub oo kasoo baxday xarunta madaxtooyada ee Maamul goboleedka Maakhir ee Soomaaliyeed ayaa lagu magcaabay masuuliyiin kala duwan oo isugu jira Agaasimayaal guud iyo Xoghayayaal qaarkood ay cusub yihiin, taasoo madaxweynuhu ku tilmaamay iney tahay dhammaystirka maamulka Maakhir, wixii hadda ka danbeeyana masuul kasta lagu dabo gelayo xilkiisa. 

Wareegtadaas ayaa waxa lagu magcaabay :

1.   Mukhtaar Maxamuud Faarax: Xoghayaha Ganacsiga iyo Wershedaha ee MSS, waxana lagu bedeley xoghayihii hore Cali Siciid Cismaan .

2.   Cismaan Cabdi Shabeele : Xoghayaha Waxbarashada & Barbaarinta ee MSS.

3.   Maxamuud Maxamed Ciise oo hore ugu magcownaa xoghayaha arimaha bulshada waxa loo magcaabay xoghayaha Caafimaadka ee MSS.

Sida qoraalka ka muuqata waxa la kala qaaday arimaha bulshada oo amrkii hore isku wasaarad ahayd, taasoo look ala qaaday waxbarashada iyo caafimaadka.

Sidoo kale waxa la magcaabay masuuliyiinta kala ah :

1.  Waxa Dib magaciisa loo Saxay Xoghayaha Beeraha ee MSS waana  Maxamuud Cali Mire.

2.   C/xakiim Maxamed Liibaan: waxa loo magcaabay Agaasimaha Guud ee Dalxiiska ee MSS.

3.  Maxamed Aadan Cashuur: Waxa loo magcaabay Agaasimaha guud ee Waxbarashada Iyo Barbaarinta ee MSS

4.  Ismaaciil Maxamed Saalax: Waxa loo magcaabay Agaasimaha guud ee Qorshaynta iyo Xidhiidhka Caalamiga ah ee MSS.

5.   Cabdi Xasan Cali-maax: Waxa loo magcaabay Taliyaha Ciidanka Boliska ee  Gobolka Madar ee Maamul Goboleedka Maakhir ee Soomaaliyeed.

6.   Daahir Cali Axmed: Waxa Loo magcaabay Isuduwaha Dawladaha Hoose ee Gobolka Booxaaro ee MSS.

Dhanka kalena Madaxweyanah Dawlad Goboleedka Maakhir Col. Jibriil Cali Salaad wuxu warbaahinta u sheegay in dhowaan la dhamaystiri doono magcowga gobolada Maamul goboleedka iyo masuuliyoontooda , sida ilo xog ogaal ah aan ka hellayna waxa goboladaasi noqon doonaan gobolka Booxaaro oo ay magaalo madax u tahay magaalada Dhahar, Gobolka SANAAG oo ay magaalo madax u tahay Ceerigaabo, iyo Gobolka Madar oo ay magaalo madax u tahay magaalada Badhan, inta la ogyahay.

Gobolada Kala ah Booxaaro iyo Madar ayaa hore loo magcaabay masuuliyiintooda , kuwaas oo kala ah sidan :

1. Gobolka BOOXAARO oo ay caasimad u tahay  magaalada Dhahar:  waxana loo magcaabay masuuliyiinta kala ah :

A. C/risaaq Cismaan Aadan: Guddoomiyaha Gobolka Booxaaro.

B. Axmed C/laahi Xasan: Gudd/xigeenka Gobolka Booxaaro.

C. Siciid Muuse Axmed: Xoghayaha Maamulka Gobolka Booxaaro.

2. Gobolka MADAR oo ay magaalo madax u tahay magaalada Badhan, waxana loo magcaabay masuuliyiinta kala ah :

A. C/risaaq Faarax Bile: Guddoomiyaha Gobolka Madar.

B. Maxamed C/qaadir Muuse: Gudd/xigeenka Gobolka Madar.

C. Cawed Cali Jaamac(xiirey): Isuduwaha Dawladaha Hoose ee G/Madar.

D. Bashiir Muuse Jaamac: Xogahayaha maamulka Gobolka Madar.

Waxana xusid mudan in Isuduwaha Dowladaha hoose ee gobolka Booxaaro uu ku jiro masuuliyiinta maanta la magcaabay.

Maabkan sare wuxuu muujinayaa sida maamuladii hore ee Waqooyi Galbeed (EX-Somaliland) iyo Waqooyi Bari (EX-Puntland) ay degaanka Maakhir aduunka ugu faafiyeen inuu yahay dhul la isku haysto ( Disputed Area). Waaga beryey wuxu soo af-jarayaa dhibaatadaas mudada 17 sano ah haysatey reer Maakhir.

Dhahar.com + LaasqorayNet.