WARBIXIN:- DUGSIGA SARE EE DEGMADA DHAHAR EE GOBOLKA SANAAG(DAAWOSAWIRADA)
Dhahar: Waxaan socdaal ku tagay degmada Dhahar ee gobolka Sanaag socdaalkaas oo ka mid ah mid aan ku mari doono dhamaan degmooyinka Sanaag taasoo aan u kuur gali doono heerka waxbarasho iyo baahida waqtiga xaadirka loo qabo cilmiga heerarka kala duwan. Waxaan bishaan gudaheeda idiin soo gudbin doonaa sawiro iyo wareysiyo ku saabsan waxbarashada degmooyinka Ceerigaabo, Badhan, Hadaaftimo, Xingalool, iyo Buraan. Kuwaasoo aan ku raja weynahay inaan dhawaan socdaal ugu dhaqaaqo. Waxbarashada degmada Dhahar Sanadkaan ayaa waxay tahay waqtiga ay ugu fiicneyd tan iyo markii uu dagaalkii sokeeyey burburiyey dowladii dhexe. Dhahar waxaa ku yaala Dugsi Sare, Dhexe iyo Hoose. Sidoo kale waxaa kaloo ku yaala laba Iskuul oo Baraayfat ah, midna ah machad laga barto caafimaadka halkaasoo uu ka hirgaliyey Dr. Mooge Miicaad, iyo Iskool kale oo isna ah waxbarashada Haweenka Waaweyn oo suura galiyey hay’ada wadaniga ah ee Horn Relief and Development Organization. Hadaba waxaan u malaynaya inaad sawirada indhihiina kaga bogan doontaan, oo aan ku bilaabo waxbarashada dugsiyada Sare, hoose dhexe.
Kadib ayaa waxaan booqday iskoolka haweenka waaweyn ( Sawirada Iskoolka Haweenka Waaweyn
Ugu Danbeyntii waxaan u kuur galay waxbarashada Machadka Caafimaadka ee uu maamulaha ka yahay Dr. Mooge Miicaad, iyadoo ay fursada iyo waqtiga igu yaraa safarkeyga ayaa waxaan su’aalo kooban waydiiyey ardey goobtaasi ka dhigata, aadbayna u amaaneen hanaanka wanaagsan iyo waxbarashada machadka caafimaadka ee degmada Dhahar. Waxayna ii sheegeen in ay lama huraantahay in machadka la weyneeyo dhismana lagu daro, waayo baahida loo qabo ayaa aad u badan waxbarashada ku salaysan caafimaadka. Sawirada Ardeyda Machadka Fasalo ka tirsan.
Waxbarashada gobolka Sanaag ayaa ah mid ay dadweynaha reer Sanaag si aad ah isugu howleen mudadii sanadihii ugu dambeeyey, maadaama aysan wax mucaawina ah ka helin maamulada sheegta gobolka. Haseyeeshee, waxbarashada gobolka ayaa waxaa igu fiican degmada Buraan oo ay ka jiraan ilaa iyo Sadex Dugsi Sare iyo waxbarasha kale. Hadase labada magaalo iigu xiga degmada Dhahar ayaa kala ah Badhan, Ceerigaabo, iyo Buraan.
|
|
|
FADLAN- KA QEYB QAADO DHISIDA WADADA XIDID
Maxaad ka taqaanaa Magaalada CEELAAYO iyo taariikhdeeda [DAAWO SAWIRO]
[WARBIXIN] Magaalada Ceerigaabo waa magaalo sidee ah? [DAAWO SAWIRO]