Taariikhdeenu xagee bay ku danbeysay? Waa su’aal aan laga jawaabi Karin, Haddii aad istiraahdid dadka weydii taariikh nololdeedka reer Laasqoray ama reer Sanaaag cid kuu jaabi kara ama wax taariikha ah ka haya degaankeena way ay ku yarhiin.

Waayo, Wax garadkii reer Laasqoray ama odayaasha taariikhda wax ka hayey Qabri bay ku dhamaadeen.  Waxaa fiicnaaan lahay in wax laga qoro taariikhaheena si ay dhalinyaradu ay ugu faa’daystaan oo ay uga sheekeeyaan curuurtooda.

Waayo xiligan hada la  joogo  hadii  aad wax waydiiso dhalinyaradu su’aalo ku saabsan taariikh nololeedkeena ama awoowe yaasheenii caanka ahaa  wax ay ka garanayaan majirto.

Tusaale ahan hadaad wax ka weydiiso qoroyaasha Sida Faarax J Cawl[Allah ha u naxaristee], fanaanintii caanka aheyd[Sida Giriig, allah ha u naxariistee]  gabayada[sida Xasan Xayle iyo Cadbi faadh faadh] ma jirto dhalin sidaa u og isla markaasina ay taasi tahey arin laga naxo.

Sidoo kale waxaan jirin dhalin ka war haysa in Laasqoray ay lahaan jirtey cayaaro u gaar ah oo soo jireen ah sida Hanaan Laasqoray iyo daniigey oo manta laga yaabo iney dad yari yaqaaniin
 
Taasina waxay  keenaysay in dhalinyaradii oo ka xishoonaysay in ay ka jawaabaan aqoon la’aan awgeed isla markaana ka xishoonaya iney su’aalo waydiiyaan ama aysan dhiiridooda ku kalsoonayn, ama  aanay waxkhti siin.

Umadi waxay ku waartaa dunida marka ay xifdiso ama taqaano taariikhdeeda, manta tan reer Laasqoray haysatana waxa weeye in jiilkeedii yaraa ama dhalinteedii aysan hayn ama war ka hayn xadaarada iyo ilbaxnimadii ay soo mareen awoowayaashoodii.

Sidaa awgeeed waxaan ku baaqayaa oo aan ku boorinayaa in dhalintu ay istaagto sidii ay uga faaiideysan lahaayeen dadka xogta haya ama taariikhda yaqaan isla markaana ay bartaan taariikhdooda.

Waxaan kaloo soo jeedinayaa in Taarikhda cida haysa ay qoraan isla markaana ay dhalintooda u ilaashaan ama u keydshaan iyadoo ay noqon karto masiibo hadii la waayo taarikhda qotoda dheer e Reer Laasqoray

Sucaad Saalax Maxamed.