Waxaa Maalmahanba ka socotay Wadanka Marykanka Dacwad ka dhana Gen, Maxamed Cali Samatar oo kamida ahaa Madaxdii Sar Sarre Dowladii Kacaanka Islamarkaana uu ahaa Masuulkii Labaad Ee ugu Sareeyay Dalka ayaa Waxaa Dacwad kusoo oogay Dad Kasoo Jeeda Gobolada Waqooyi ee Somaliya Ee hada la baxay Somaliland oo ku nool Wadanka Maraykanka yagoo ku andacoonaya inuu Masuuul ka ahaa Sida ay sheegeen Xasuuq ka dhacay Deegaanadaas Sanadii 1988 iyo Sanadihii ka dambeeyay.

Gen. Maxamed Cali Samatar oo tanyo Wixii ka dambeeyay Bururkii Dowladii Dhexe ee Soomaaliya ku Noolaa Wadanka Maraykanka ayaa Waxaa Dacwad u haysta Sida aynu la Socono Haraadigii Jabhadii SNM oo qabta inuu Gen. Samatar ahaa Masuulkii Sixiixay in La Duqeeyo Magaalooyinka Hargeysa iyo Burco, Hadaba Waxaan Faaladdan Diirada ku Saarayaa Dacwada Gen. Samatar oo aan Halku Dhig uga dhigay (Ma Dowbaa In La Dacweeyo Gen. Maxamed Cali Samatar).

Ugu Horeyn Waxaan Jeclahay inaan Marka hore Akhristayaasheyda Sharafta iyo Karaamada iga Mudan Xasuusiyo Qofka uu ahaa Gen. Maxamed Cali Samatar oo ah Ninka Hada Dacwada Loo haysto, Gen. Maxamed Cali Samatar Wuxuu ahaa Masuulkii Labaad Ee u Sareeyay Golaha Kacaanka ama aan dhehee Xibsigii Hanti-wadaaga Kacaanka Soomaaliyeed (XHKS) Gen.Samatar Wuxuu Ahaa Madaxweyne K/xigeenkii Jamuuriyada Soomaaliya Wuxuuna Ahaa Ninka Darajada Ugu Sareysa Ciidanka Qaranka Soomaaliyeed Gaadhay oo ah Sareeye Guuto Wuxuuna ahaa Markale Wasiirkii Difaaca Ee Jamuuriyada Soomaaliyeed kama Gayoon Karo Taariikhda Dheer ee uu leeyahay Gen. Samatar hasayeeshee Waxaan kusoo koobayaa Inahaas.

Dacwada Gen. Samatar ay kusoo oogeen Jabhadii SNM Ee hada u Xuubsiibatay Somaliland Waxay kusoo beeg maysaa 20 Sano kadib oo ay Soomaaliya Dowlad Laa aan tahay Waxaa Is Weydiin Mudan run ahaantii Dadka hada Dacwada kusoo oogay Gen. Samatar Xagee bay jireen 20-kaas Sano Waa Arina ay adag tahay Jawaabteedu basle Waxaan ku Masaali karaa in Dadkaasi Hurdeen oo hada Soo Baraarugeen, Waxaynu ognahay Dowlad Kasta oo Aduunka ka jirta in ay Mucaaradka kasoo horjeeda ay u isticmaasho Xeelad kasto oo ay ku bad baadsan karto Xukunkeeda, Marka aan leeyahay Xeelad kasta Way u Isticmaali kartaa Waxaa hoos iminaysa islamarkaaba inay Dowladu u Isticmaasho Xoog Milaatri oo ay duqeyn Karto Goobaha ay ku tuhunto Jabhada ama ay Gabaadka ka helayaan.

Hadaba Su aashu Waxa Weeye Gen. Maxamed Cali Samatar Masuul ma ka Noqon karaa Dagaalkii ay Dowladiisu la gashay Jabhadii Waqooyi Galbeed ee SNM iyo Jabhadihii Kale ee waayadaa jiray Su aashu Waa maya Sidaan filayo.Sidoo kale Macquul Ma noqon Kartaa Dagaalkii ay la gashay Dowladii Xiligaas talinaysay Jabhadii SNM Ee Waqooyi Galbeed in hada laxagal daaciyay oo Loo Rogo inay Dowladu Gumaaday Shacab iyo Maxaas.

Sidaan la Socono Shantii Golaha Sarre ee Hormuudka u ahaa Dowladii Jaalle Maxamed Siyaad Barre Waxaa ka nool hada Sadex Nin oo kala ah Axmed Saleebaan Daflle, Ismaaciil Abakor iyo  Maxamed Cali Samatar halka ay geeriyoodeen Madaweynihii Jamuuriyada Jaalle Maxamed Siyaad Barre iyo Kulmiye Afrax , Maxay tahay hadaba Arinta gaarka ku ah Gen, Samatar Ee Haraadiga SNM ku haystaan  umalayn maayo inuu Wax kaga duwan yahay Labada Nin ee kale Ee hada Nool basle Waxaan qabaa In Gen. Maxamed Cali Samatar ay Haraadiga SNM qabiil ahaan ku Muquuninayaan Laakin Waxaan u sheegayaa qolyahaas in uu Gen. Samatar haysto Soomaalida Inteeda Maskax ahaan iyo Jidh ahaanba  Fiyow.

Akhristayaal Waxaan Jeclahay inaan Markan idin Xasuusiyo Cadaalad darada Meesha ka jirta iyo qar iska Xoornimada Haraadiga Jabhada SNM Magaaladda Haregysa Waxaa hada ku nool  Mid kamida Shantii Golaha Sarre Ee Kacaanka Waa Ismaaciil Abakor Maxay tahay Sababta Hargeysa Loogu Maxkamadeyn waayay Qadiyadu Waa iska Cadahay uma baahna Faah faahin badan Ismaciil Abakor Waa Nin Reer Hargeysa waa adagtay Sida lagu Xukumo War hooy yaan cadalada laga tagin Isku si haloola dhaqmo Wixii Dowladii Milatariga Raad ku lahaa ama ha laga wada qaado Faraha.

Markale Waxaan jeclahay inaan AKhristayaasheyda Xasuusiyo Ragga Hogaanka u haya Maamulka Somaliland inay isugu jiraan Sirdoonkii Dowladii Rijiimka iyo Saraakiishiisi, Madaxweynaha haatan Taladada haya  Somaliland Waa Daahir Riyaale Wuxuuna ahaa Nabad Sugidii Soomaaliya(NSS) oo ay dad badan oo reer Hargeysa ahi Rumaysan yihiin inuu Khaarajiyay Siyaasiyiin Reer Hargeysa ah oo Waagaas Fikir ahaan Ama Siyaasad ahaan kasoo horjeeday Dowladii jirtay, Sidoo kale Inta badan Golaha Wasiirada Somaliland Waxay ahaayeen  (NSS) Waxaana kamida ahaa Wasiirka Arimaha Gudaha C/laahi Ismaaciiil Cali (Cirro), Wasiirka Maaliyada Cawil Cali Ducaale.

Qolada Dhalinyarada ah ee iska daba dhigatay Gen. Maxamed Cali Samatar Kolay hada Waxba ka faa iidi maysane Samayar Waxaan idinkula talin lahaa Raggii In la Maxkamdeeyo Mudnaa Waa kuwa jooga Hargeysa aynu Marka hore galo Falawgeeda Sidaan Maxkamad Caalamiya u soo saari lahayn Waynu wada ognahay Qolyaha Hargeysa Joogaa Gaboodfalyada ay ka galeen Dadka iyo Dalkaba.

Maxaa La gudboon Jaaliyadaha Soomaaliyeed Ee Ku Nool Waqooyiga AMerica.?

Waxaa la gudboon Jaaliyadaha Soomaaliyeed Ee ku dhaqan Waqooyiga AMerica inay Is garab taagaan oo u muujiyaan Taagero Hiil iyo Hooba Leh  Halyeeygeena  Qaran Ee Gen. Maxamed Cali Samatar Waa inay ka damqadaan Xaqdarada iyo Dulmiga qaawan Ee loo geysanayo  

Gen Maxamed Cali Samatar Maanta oo kale Soomaali dhexdeeda Muxuu ka Mudnaa?

Maanta oo kale Bulsha Weynta Soomaaliyeed Wuxuu ka Mudnaa Gen. Maxamed Cali Samatar Ixtiraam, Xushmad, Qadarin, Karaamayn, Dhaqaaleyn Soo dhaweyn, Marnaba kama Mudneyn Bulshada Soomaaliyeed Dhexdeeda In Maxkamad Lasoo Taago oo Waliba Lagu eedeeyo Wuxuusan Shuqul ku lahayn Islamarkaana dusha laga saaro wuxuusan eed ku lahaynn.

Lasoco qeybta Labaad

Akhriste Wixii Su aala Waxaad Kusoo hagaajin kartaa Cinwaanka Hoos ku qoran Adiga oo ka duulaya Cinwaanka Warbixinta oo ah Ma Dowbaa in la Dacweeyo  Gen. Maxamed Cali Samatar,

Waxaa Warbixintan Soo diyaariyay
Liibaan C.rashiid Siciid
Liibaan5711@hotmail.com
Liibaan@Laasqoray.Net