WERSHEDA KALUUNKA EE LAASQORAY AYAA SOO BANDHIGTEY WAX SOORKEEDA CAALAMIGA AH[WARBIXIN IYO SAWIRO]
Weshedda Kalluunka ee Laasqoray ayaa maanta soo bandhigtay qaybaha kala duwan ee Kalluunka ay Wersheddu farsamayso kadib munaasbad balaaran oo maanta lagu qabtay Guriga Rugta ganacsiga Puntland ee Magaalada Bossaso.
Gudoomiyaha Rugta ganacsiga ee Dawladda Puntland Maxamuud Xayir Ibraahim oo kamid ahaa masuuliyiintii madasha hadala ka jeediyey ayaa waxaa uu sheegay in ay tahay wax lagu farxo in ay maanta Wershedda kalluunka ee Laasqoray ay soo bandhigto noocyo cusub oo ah kalluun ay soo saarto wesheddu, waxaana uu intaasi raaciyey in ay ku dhiirigelinaayaan ganacsatada Soomaaliyeed in ay sida ganacsatada gacanta ku haysa Wershedda Laasqoray ula soo baxaan khayraad Waddanka oo uu kamid yahay Kalluunka.
Madaxa Golaha BOD-ka ama Baarlamaanka ee Wershedda Kalluunka ee Laasqoray Cali Maxamuud Xasan "Cali Ceelaayo" ayaa waxaa uu ka sheegay munaasabadda lagu soo bandhigay Kalluunka ay soo saarto Wersheda Laasqoray in ay juhdi badan geliyeen sidii loo heli lahaa Kalluun lagu farsameeyo gudaha dalka kaasi oo leh tayo sare in badana ka wanaagsan kan laga keeno banaanka.
Cali Ceelaayo ayaa waxaa uu ugu baaqay dhamaan bulsdada Soomaaliyeed in ay ka faa'iidaystaan Kalluunka ay soo saarto Wershedda Kalluunka ee Laasqoray kaasi oo ku tilmaamay in uu yahay mid wax badan kabedeli doona nolosha dadka Soomaaliyeed ayna kaheli doonaan faa'iidooyin dheeraad ah "Waxaana u sheegaynaa dhamaan shacabka Soomaaliyeed in Kalluunka ay soo saarto Wershedda Laasqoray uu yahay mid wax badan kaga duwan kan laga keeno dibadda Waddanka marka waxaan leenahay cuna oo ka faa'iidaysta Kalluunka Waddaniga ah ee laga soo saaro Waddankkina hooyo.
Gudoomiyaha Gobolka Bari C/xaafid Cali Yuusuf oo kamid ahaa masuulintii madasha ka jeediyey hadalada ayaa waxaa uu u hambalyeeyay ganacsatada gacanta ku haysa Wershedda Laasqorary waxaana uu Gudoomiyahu ku booriyey ganacsatada kale ee Soomaaliyeed in ay ka qayb qaataan wax soo saarta Waddanka sidii ay u horumarin lahaayeen ugana door bidi lahaayeen kuwa laga keeno Waddanka dibadiisa.
Dr Cabdiraxmaan oo kamid ah takhaatiirta baarta caafimaadka iyo wax tarka Kalluunka lagu farsameeyo Wershedda kalluunka ee Laasqoray ayaa waxaa uu sheegay in kalluunka ay soo saarto Wershedda Laasqoray uu in badan ka caafimaad wanaagsan yahay kan laga keeno dibadda, Takhtarka ayaa waxaa uu intaasi raaciyey in Wershedda Laasqoray lagu farsameeyo Kalluun aad u tayo wanaagsan ayna ku jiraan faa'iidooyin badan.
Kadib xafladda lagu soo bandhigay noocyada kala duwan ee Kalluunka ay soo saarto Wershedda Laasqoray iyo tayada Kalluunka ayaa waxaa shir saxaafaddedd uu wershedda uga warbixinaayo ku qabtay isla goobta lagu soo bandhigay Maareeyaha guud ee Wershedda Laasqoray C/raxmaan Maxamed C/laahi, Maareeyaha ayaa waxaa uu sheegay in bandhiga ay maanta sameeyeen ay uga gon lahayeen sidii ay bulshada Soomaaliyeed ay ugu wacyigalin lahaayeen tayada iyo faa'iidooyinka Kalluunka lagu farsameeyo Wershedda Laasqoray.
Maareeyaha guud ee Wershedda kalluunka ee Laasqoray ayaa waxaa uu intaasi ku daray in Wershedda ay qaaday talaabin hormar leh oo la taaban karo kuwaasi oo ay kamid yihiin in Kalluunka lagu farsameeyo Wershedda loo iibgeeyo inta badan Waddamada caalamka sida Waddanka Ustrelia iyo Waddomo kale oo ku kala yaala Qaaradaha Africa, Asia iyo dhamaan Gobolada Soomaaliya.
"Wax soo saarka wershedda Laasqoray waxaan ku tilmaami karnaa mid ay maanta ku faani karaan umadda Soomaaliyeed waayo waxaa layaab ah in Waddanka muddo bur bursanaa oo aan Dawlad lahayn in Kalluun laga soo saaro oo laguna farsameeyo loo iibiyo suuqyada caalamka oo weliba lagu tilmaamo mid aad u tayo wanaagsan bilad sharaf iyo shahaadona lagu siiyey ganacsatadii naga iibsatay ee u iibgeeyey Waddamadaasi oo uu ugu dambeeyey Waddanka Ustarelia", ayuu yiri Maareeyaha Wershedda Kalluunka ee Laasqoray.
Ugu dambaytniina Maareeyaha Wershedda Kalluunka ee Laasqoray C/raxmaan Maxamed C/laahi ayaa waxaa uu ugu baaqay dhamaan umadda Soomaaliyeed in ay ka faa'iidaystaan Kalluunka lagu sameeyo Waddankooda hooyo waxaana uu sheegay in halkudhigga Wershedda Laasqoray uu yahay Kalluunka dalkaaga haka dooran kan laga keeno dibadda.
Wershedda Kalluunka ee Laasqoray ayaa waxa au ku taalaa Degmada Laasqoray ee Gobolka Sanaag waana Wershedda keliya ee soo saarta Kalluunka taasi oo ka shaqaysa gudaha Soomaaliya wax soo saarkeedana loo iibgeeyo guud ahaanba Gobolada Soomaaliya iyo Waddamo badan oo Adduunka kuyaala.
Hoos Ka AKHRISO halkudhigga iyo hadafyada Wershedda Kalluunka ee Laasqoray. WARSHADDA KALUUNKA LAASQORAY-LAASQORAY TUNA FACTORY Maxaa laga faa,iidayaa iibsashada kaluunka dalkaaga? Waxaad iibsatay kaluun tayo,damcad & dhadhan sare lagu hubo lana tartami kara kaluunada ugu sareeya caalamka. Waxaad ka qayb qaadatay horumarinta dalkaaga & Dadkaaga dhinacyada
"Adigoo London,dubai,nayroobi,johanisbeeg,daarasalaam ama Kuala lumpur jooga hadii aad dukaan ka hesho kaluunka laasqorey sidee dareenkaagu noqdaa ? Hareerahaaga ma eegtaa oo dadka kugu xeeran ma tustaa adigoo kor u leh KALUUNKAN WAXAA LAGU SAMEEYEY DALKAYGA HOOYO !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!"
WARSHADDA KALUUNKA LAASQORAY-LAASQORAY TUNA FACTORY Noqo Labadan nin midkood , hana noqon mid kale si aan wadajir ugu xaqiijino ujeedooyinka aan higsanayno.
Iibiye: walaal waan ka xumahay, waan iska daayey iminka in aan ka ganacsado noocaa waxaan doortay kan aan hubo cida samaysay 100% ee markaan iibiyo lacagtiisa soomali ila mid ah loo qaybinayo mid soo qabtay,mid doonta leh, mid dilaalay, mid ka shaqeeyey ,mid,mid.................. hayaay lama soo koobi karo dadka lacagtu kunoqonayaso, Walaal sidaas ayaan ku doortay kan dalka. Wadani: walaal qiimaha ma kala badan yihiin kuwa isku nooca ah ee dalka iyo dibada? Wadani: noocyada aan tunada ahayn iyaga hore looma arki jirin ee iyaga ka waran? Wadani: Walaal waad mahadsan tahay aad ayaan ugu qancay sida fiican ee aad ii qancisay waxaanan balan qaadayaa in aanan maanta ka dib kaluun kale iibsan. Waxaa hore la iigu sheegay hooyo soomaaliyeed oo duqeedii ku diiday kaluun aan ahayn kan dalka oo adeeg loogu keenay, iyana waxaa si dhab ah u dhacday aabe soomaaliyeed oo isna ka kacay oon lagu sameeyey kaluunka dibada ka yimaada qiiro & wadaniyad ku jirtay darteed. Ma kuwaas baan ka liitaa. N:B kaluumada oo dhan isku wax ayaa laga helaa waana wada xalaal meel kasta halagu sameeyee Jaamac Joofane |
|
|
[WARBIXIN] Xagee marayaa Machadka Iqra Institute for higher Education, kana qeyb qaado dhameystirkiisa
FADLAN- KA QEYB QAADO DHISIDA WADADA XIDID
Xagee marayaa Dhismaha Machadka Badhan ee Culuumta Sare [Iqra Institute for Higher Education]+SAWIRO
Damala Xagare ee Gobolka Sanaag ayaa la Amaanay Waxbarashadeeda[Daawo Sawiro]
Warshada Kaluunka ee Laasqoray ayaa Gaadhay Hormar Xawli ah[Daawo Sawiro Qurxoon]